بالصدفة البحته وأنا بدور في موقع يوتيوب الشهير .. علي فيديو احمله عشان أجرب برنامج التحميل .. لقيت الفيديو ده ..!
أي حد مننا كان هايتعامل عادي .. كان هايشوف الفيديو بيتحمل ولا لأ وبعدين يقفل الصفحة ويخرج ..
لكن للحظ أنا معملتش ده .. مش عارفه ده بقي من حظي الكويس ولا من حظي التعيس ..
منعم أنت راجل أوي
أنا معرفش مين منعم ومعرفش ايه حكايته ..! والكارثه انه مصري وكان معتقل وافرج عنه حسب رواية من وضع الفيديو ..! لكن اكيد في الف منعم تانين جوا ..
أنا مش خجلانه اقول إني جاهلة بقصته .. لأني لو خجلت ابقي بداري علي خطئي ..
سواء كان منعم حر دلوقتي او محبوس .. فهو دفع ايام من عمره خلف اسوار الاعتقال ... عشان حاجة مش عارفه هي مهمة ولا لأ ..!
عشان كلنا نبقي أحرار ..
حد فيكم هايجي ويقولي ايه الكلام الفارغ ده .. يعني ايه احرار محنا احرار اهوه .. هأكد علي كلامه واقوله بالفعل ده كلام فارغ .. لأنه ميعنيش اي حاجة قدام اللي عمله منعم ..
جايز يكون ربنا خلقنا أحرار .. من العبودية .. لكننا شعب مريض .. بالحاجة ..
عملنا من نفسنا عبيد ونصبنا عبد تاني علينا ..
وفي النهاية .. عشنا وموتنا ..
واحنا كل همنا .. ندور علي فيديو يوتيوب نحمله من علي موقع ..
منعم .. أنا اسفة ليك أوي ولكل اللي زيك ..
وبقولهالك اهو .. لحد وقت قريب كنت بسمع المثل اللي بيقول ( الرجالة ماتوا في 73 )
هاقول لأ .. في لسه رجاله عايشه .. بس للأسف أرواحنا هي اللي ماتت ..!
تحياتي لك - جومانا
ردحذفواسعد بالمرور على مدونتك الجميلة
أمنيات التوفيق
مودتي لك ,,,
الحمد لله على السلامة أولا بعد فترة غياب طويلة يا جومانا
ردحذفللأسف الشديد تبقى الاعتقالات سمة عامة من عهد زنازين عبد الناصر حتى الآن , بس عارفة يمكن دلوقتي فيه رحمة شوية بسبب نشاطات منظمات حقوق الانسان , زمان أيام شمس بدران وحمزة البسيوني , كانت حالات الوفاة اكثر من اليي بيحصل دلوقتي
للأسف حتى معانى الحريه بقت مبهمه عندنا
ردحذفازاى يكون فى حريه وفى ناس بتعتقل حتى وهى مش عارفه عملت ايه ؟
الباشا اهلا بكل في مدونتي المتواضعة واعذرني في التاخر علي الرد
ردحذفنورت :)
الله يسلمك يا محمد ومبروك علي المدونة اللي اتاخرت اوي :)
ردحذفعندك حق يجوز اليومين دول ارحم بس عارف انا بدأت احس انه كل فرد بقي بيصنع لنفسه معتقله التفصيل علي مقاسه ..
الغاليه علياء
ردحذفاهلا بيكي يا جميلة لاول مرة بمدونتي
نورتي الاتي كله بوجودك يا بطوطة
واعذريني اني مش بتابع مدونتي نفسها
بس ان شاء الله عقدت النيه علي العودة والمتابعة
نورتي يا جميلة
السجن وطن لنا لأن السجن اصبح داخلنا. رأسك سجن كبير
ردحذفأمل سالم