............................................
......................................................
.....................................................
أجمل شيء في الدنيا إنك تعيش " بلطجة علي الناس " .. أسفه جدا يا جماعه علي اللفظ ده .
لكن لو بصيتوا ليه بالعقل .. هاتلقوا أننا كلنا بلطجية ..!
مثلا أنا أول بلطجية . أعرفها !
والمدونة دي اتعملت بمبدأ البلطجه !
أزاي .. بقه ده السؤال الجميل ..
طبعا أنا إلي اخترت " الاستايل " وكان معايا العزيز محمد هشام كي أصيبه بالصرع في كل لحظة كما لو كنت أصمم خطة لحرب العراق لا مدونة ..
محمد عايزة الصورة دي .. محمد الصور مش بتطلع في النص محمد . محمد .. محمد .. محمد كره نفسه بجد
وبعد العزيز محمد جاء الصديق العزيز إسلام فتحي ..
إسلام شاعر جميل من إلي ليهم كتب وبتاع " محدش يفهم انه ده حقد "
العزيز إسلام ترك ما وراءه وظل يبحث بالساعات عن لينك كود .. لكي أضع أغنية بمدونتي ..
وعلي سبيل أن أحترم نفسي قليلا " وربنا علي المفتري والظالم " كما قال لي
وضع لي أغنية دينيه .. كي اتعظ وأرحم من في الأرض كي يرحمني من في السماء
طبعا أنا بشكره جدا ..
لكني أصريت علي موسيقي - Secret Love
ده بالنسبة لمبدأ البلطجه الخاص بي ..
أما عن بقية البلطجية الذين أصبحنا نجدهم بكل مكان وتحت كل حجر وبداخل كل بلاعه ..
هم هؤلاء الذين يوهموك .. بأنهم شاكرين مهللين .. لك .. وبأنهم ببساطة أعطوك الكثير وأنت أيها الأحمق لا تدري !
ويجب عليك أن ترقص مهللا ولتحيا مصر , ومصر مبارك .. ومبارك مصر ..!
ماما فرحت أوي بالعلاوة بتاعت عيد العمال .. 80 جنيه تقريبا .. حبيت أقولها إننا بلد متخلفة .. وانه إل 80 جنيه إلي فرحانة حضرتك بيهم هاتدفعي أضعاف مضاعفه .. قدامهم .. بس قلت اسيبها عايشه في الوهم ..!
لما تطلع مكيف .. وهو مالوش أي علاقة بالمكيف وتلاقي السواق الله .. ما علينا بيحاول يقنعك انه ده مكيف وحضرتك لازما ولابد تدفع أجرة المكيف ..!
ولما يوقفك عسكري معفن .. بطاقتك بدون وجه حق لمجرد انه شكلك مدخلش مزاج سعادته .. !
ولما تقف في طابور العيش الأبدي وتلاقي ناس بتدخل جوا الفرن وتاخد العيش والحياة peace يبقي ده ايه !
كل إلي عايزة أقوله .. إنه " إذا كان رب البيت بالدف ضارباً .. فشيمة أهل البيت كلهم الرقص "
وبما أننا داخلين علي عيد ميلاد ريسنا . مبارك مصر .. أنا بقه عايزة الكل يرقص .!.
لأنه إيه .. " شيمة أهل البيت كلهم الرقص " وكل بلطجة وانتم طيبين .. !
العزيزه بنت مصر الطاهره
ردحذفالي عمرماحد حكمها غصب عنها غير 30 سنه وبعد ..
مالك ياست الكل
مضايقه ليه كدا وحاسس ان عندك شويه نخوه ورجوله
مالك ياست الكل حاسس انك بتحلمي ومش عايزه حد يصحيكي خالص
برحتك هانسيبك ونمشي وخلي بالك البلد بتتحرك يعني هاتصحي مش هتلاقي حد خالص
تصبحي علي خير
كل سنة والريس طيب
ردحذفوربنا يخليه لمصر
الجديدة
الفاضل ابن البلد
ردحذفضحكت كثيرا علي تعليقك الغريب :)
مرحبا بك دائما بمدونتي
تحياتي
طبعا يا محمد ربنا يخليه
ردحذفلمصر الجديدة والزمالك وجاردن سيتي كمان " عشان محدش يتهمنا بالارهاب
هههههههههههههههه
نورت يا محمد
ردحذفانا مش عايز غير بس تضحكي
وياريت كمان تحاولي تحبي مصر وتغي ليها وتقولي ليها نكت وتضحكيها
علشان السه في ازمه بجد
ربنا يصبرها علي مابلاها
يلا سلام
اعتقد ان زمنًا من البلطجة سيأتي
ردحذفحينما يكون سيرك في الشارع بدون سلاح يحميك خطر
او عندما يختبيء الناس عند مرور دورية او امين او حتى شخص مشتبه فيه انه مخبر
انتي لسه شفتي حاجه
احنا لسه شفنا حاجه ؟!
ربنا يستر علينا
العزيز ابن البلد
ردحذفاضحكها واقولها نكت
واغنلها كمان وايه المانع
ههههههههههههههههههه
بس انا صوتي وحش
ودمي تقيل :)
فعلا ربنا يصبرها ويصبرنا معاها
تحياتي عزيزي
صدقت عزيزي محمد
ردحذفنعم سيأتي وقت لن يغيب علي حد ظني
المضحك اننا كالابطال الاغريق
يصيح الجميع
" عيشوا حياتكم يا حمقي مش هاتلقوا وقت بكرا"
لكن محدش سامع
ومصرين بشكل غريب علي الغباء
فعلا احنا لسه مشوفناش حاجة
واحتمال كبير مش هانشوف نهائي .. غير كل سواد
مودتي